Mir, d Guggemuusig Schänzli-Fäger
D'Guggemuusig Schänzli-Fäger isch am 1. Septämber 1981 vo ere glaine Gruppe glyyche Fasnächtler gründet worde. E Baar vo ihne, mängerlai erscht 16 Joor alt, hän vorhäär eerschti Erfaarige in ere Pratteler Doorfgugge gsammlet. Doo si hän welle aigeny Idee und Voorstellige umsetze, hän si beschlosse e aigeny Guggemuusig z'grinde.
Dr erschty Hogg het im Hotel Schänzli an dr Gränze zu Muttenz stattgfunde. Nooch intensive Debattene isch deert au dr Naame vom neu gründete Verain entschtande: Schänzli-Fäger.
Mit viil Iisatz und Ehrgiiz isch es dr junge Gugge bereits nooch nume fünf Mooned glunge, an dr Basler Fasnacht 1982 dii-znee. Uffgrund vo dr kurze Voorberaitigszyt und de beschaidene finanzielle Mittel, isch s erschte Koschtym no sehr aifach ussgfalle. Vo Aafang aa isch es aber ihres Zyl gsy, e aigene musikalische Styl z'entwiggle. Um d Qualität stetig z'verbessere, sin näb de noormale Proobe au separti Muusigproobe für Schlag- und Bloosinschtrumänt duuregfiert worde – E Tratition wo bis hütte pfläggt wird.
Mir unserer Leuielarve sin mir im Lauf voo de Joore bii Gross und Klai glychermasse beliebt und bekannnt worde. Näb dr Freud an dr Fasnacht stoot fyr dr Verein bsunders d Kameraadschaft, die muusikalischi Witerentwigglig und Pfläg vo fasnächtliche Traditione im Mittelpunggt.
Mittlerwyle sind die muusikalische Aanforderige soo hoch, dass die Muusikstügg speziell umgschriebe wärden. Soo chönne sälbst die, wo kai Noote läse chönne, anspruchsvolli Lieder aayfach umsetze.
Um d'Kameraadschaft under de Fasnächtler bzw. de Guggemuusiger z'fördere und dr Bekanntheitsgraad z'styge, isch d'Guggemuusig Schänzli-Fäger dr "Freye Guggemuusig" (FG) bydrätte. Wäg dere Zugehörigkeit sin by uns Männer und Frauen immer häärzlich willkomme. Mit em Yyzug in unsere erschte "Guggekäller", hän mr e feschts Dehei bikoo und hän so au kenne regelmässig Proobe.
In de letschte Joor isch unser Verai uff über 50 Aktivmitglieder gwaggse. Dodur isch e grössers Proobelokal nötig woorde und mr sin schliesslich, nooch langem Sueche, uff Minggestai in neui Rüüm zooge.
Dangg fündschaftliche Kontäkt iber d'Gränze uss, bis noch Dütschland, hä mr scho deerfe vieli Iiladige aaneh. Ufftritt in dr gaanze Schwiiz und im Ussland bischere uns vyeli unvergässlichi Erläbnis.
S'ganze Joor über sin mir an de unterschidlichschte Fescht spiilerisch oder organisatorisch azträffe. Mit unserer beachtliche Mitgliederzahl wärde mir des öftere au für grösseri Engagements buecht. So organisiere mir zum Byspil scho sy mehrere Joor s' „Jazz uf em Parkplatz“, wo in Muttenz stattfindet. Dä Aalass loggt jöörlich duusigi vo begeischterete Jazzfans aa.
E bsundere Höhepunggt an dr Basler Fasnacht isch dr bekannti Zyschtig Abig mit em "Mega-Konzärt" im Steinebachgässli. Immer widder sin unzääligi Bsuecher vor Ort (und es wärde jedes Joor meh!!!) und geniesse dr "Schänzli-Sound" uff s'Neue.
Unser 40-Jöörigs bestoh zeigt, dass mir mit unsere umgsetzte Idee und Gedangge dr richtig Wääg iigeschlage hän!
Dr erschty Hogg het im Hotel Schänzli an dr Gränze zu Muttenz stattgfunde. Nooch intensive Debattene isch deert au dr Naame vom neu gründete Verain entschtande: Schänzli-Fäger.
Mit viil Iisatz und Ehrgiiz isch es dr junge Gugge bereits nooch nume fünf Mooned glunge, an dr Basler Fasnacht 1982 dii-znee. Uffgrund vo dr kurze Voorberaitigszyt und de beschaidene finanzielle Mittel, isch s erschte Koschtym no sehr aifach ussgfalle. Vo Aafang aa isch es aber ihres Zyl gsy, e aigene musikalische Styl z'entwiggle. Um d Qualität stetig z'verbessere, sin näb de noormale Proobe au separti Muusigproobe für Schlag- und Bloosinschtrumänt duuregfiert worde – E Tratition wo bis hütte pfläggt wird.
Mir unserer Leuielarve sin mir im Lauf voo de Joore bii Gross und Klai glychermasse beliebt und bekannnt worde. Näb dr Freud an dr Fasnacht stoot fyr dr Verein bsunders d Kameraadschaft, die muusikalischi Witerentwigglig und Pfläg vo fasnächtliche Traditione im Mittelpunggt.
Mittlerwyle sind die muusikalische Aanforderige soo hoch, dass die Muusikstügg speziell umgschriebe wärden. Soo chönne sälbst die, wo kai Noote läse chönne, anspruchsvolli Lieder aayfach umsetze.
Um d'Kameraadschaft under de Fasnächtler bzw. de Guggemuusiger z'fördere und dr Bekanntheitsgraad z'styge, isch d'Guggemuusig Schänzli-Fäger dr "Freye Guggemuusig" (FG) bydrätte. Wäg dere Zugehörigkeit sin by uns Männer und Frauen immer häärzlich willkomme. Mit em Yyzug in unsere erschte "Guggekäller", hän mr e feschts Dehei bikoo und hän so au kenne regelmässig Proobe.
In de letschte Joor isch unser Verai uff über 50 Aktivmitglieder gwaggse. Dodur isch e grössers Proobelokal nötig woorde und mr sin schliesslich, nooch langem Sueche, uff Minggestai in neui Rüüm zooge.
Dangg fündschaftliche Kontäkt iber d'Gränze uss, bis noch Dütschland, hä mr scho deerfe vieli Iiladige aaneh. Ufftritt in dr gaanze Schwiiz und im Ussland bischere uns vyeli unvergässlichi Erläbnis.
S'ganze Joor über sin mir an de unterschidlichschte Fescht spiilerisch oder organisatorisch azträffe. Mit unserer beachtliche Mitgliederzahl wärde mir des öftere au für grösseri Engagements buecht. So organisiere mir zum Byspil scho sy mehrere Joor s' „Jazz uf em Parkplatz“, wo in Muttenz stattfindet. Dä Aalass loggt jöörlich duusigi vo begeischterete Jazzfans aa.
E bsundere Höhepunggt an dr Basler Fasnacht isch dr bekannti Zyschtig Abig mit em "Mega-Konzärt" im Steinebachgässli. Immer widder sin unzääligi Bsuecher vor Ort (und es wärde jedes Joor meh!!!) und geniesse dr "Schänzli-Sound" uff s'Neue.
Unser 40-Jöörigs bestoh zeigt, dass mir mit unsere umgsetzte Idee und Gedangge dr richtig Wääg iigeschlage hän!